Астанада құрбандық малын қай жерде союға болады

Астанада құрбандық шалуға арналған арнайы орындар белгіленді. Бұл туралы қала әкімдігінің ресми сайтына сілтеме жасаған KAZ.NUR.KZ хабарлайды.

Қазақстан мұсылмандары діни басқармасының ақпаратына сәйкес, 6 маусым күні таңғы сағат 6:00-де қаланың барлық мешітінде айт намазы оқылады.

Астанада арнайы бөлінген орындарда құрбандық шалу сағат 8:00-ден 18:00-ге дейін жүргізіледі. Аудан әкімдіктерінің ұсыныстары бойынша құрбандық шалуға арналған келесі 5 орын белгіленді:

Байқоңыр ауданы:

• "Жайлау" базары – Алаш тасжолы, Ц-313 көшесі;
• "Big Шанхай" базары – Алаш тасжолы, 34/6 (Көк базардың артында);
• "Баракат" базары – А-369 көшесі, №10 ғимарат;
• "Шәушен" шаруа қожалығы – Алаш тасжолы, 136Б.

Алматы ауданы:

"Ет-Хан" ет цехы – Теміржолшылар тұрғын алабы, Ақжар көшесі, 20.

Астана әкімдігі Қазақстан мұсылмандары діни басқармасының қалалық өкілдігі және тиісті мемлекеттік органдармен бірлесіп дайындық және ұйымдастыру жұмысын жүргізіп жатыр.

Сондай-ақ Құрбан айт күндері құрбандық шалу және өзге де өзекті мәселелер бойынша тұрғындарға кеңес беру үшін "109" call-орталығы тәулік бойы жұмыс істейді.

Айта кетейік, бұған дейін Алматыда құрбандық шалатын орындар белгіленгенін жазған едік.