33-35 градус ыстық: бүгін Қазақстан мегаполистерінде ауа райы қандай болады

Астана, Алматы мен Шымкенте 6 маусымда ауа райы қандай болады? Ауа райы болжамын OpenWeather порталы жария етті, деп хабарлайды KAZ.NUR.KZ.

Метеорологтардың мәліметінше, бүгін Алматыда күн аздап бұлтты болады. Күндіз ауа температурасы 33 градусқа дейін көтеріліп, түнде 17 градусқа дейін төмендейді. Желдің жылдамдығы – 3,8 м/с.

Астанада да бұлтты, жауын-шашынсыз күн райы сақталады. Күндіз ауа температурасы 29 градусқа дейін жетіп, түнде 12 градусқа дейін төмендейді. Желдің жылдамдығы – 7,7 м/с.

Шымкентте де бүгін күн бұлтты болады деп күтілуде. Күндіз термометр бағаны 35 градусқа дейін көтеріліп, түнде 22 градусқа дейін түседі. Желдің жылдамдығы 9,1 м/с деңгейінде болмақ.