8 маусымда Алматының орталық көшелерінде көлік қозғалысы шектеледі

Опубликовано:7 маусым 2025, 16:06

Алматыда демалыс күндері The Spirit of Tengri фестивалінің өтуіне байланысты бірқатар көше мен даңғылда көлік қозғалысы шектеледі. Бұл туралы AlmatyJoly Telegram-арнасына сілтеме жасаған KAZ.NUR.KZ хабарлайды.

"7-8 маусым күндері Алматыдағы Абай алаңында сағат 17:30-дан 22:30-ға дейін заманауи этникалық музыкаға арналған жыл сайынғы халықаралық The Spirit of Tengri фестивалі өтеді.

8 маусым сағат 21:30-дан 22:45-ке дейін халықаралық музыкалық фестиваль аясындағы іс-шараларға байланысты көлік қозғалысы уақытша шектеледі: Абай даңғылы бойынша Назарбаев даңғылынан Достық даңғылына дейін, сондай-ақ, Достық даңғылы бойында Құрманғазы көшесінен Сәтбаев көшесіне дейін.

Уақытша қолайсыздықтарға түсіністікпен қарап, алдын ала жолыңызды жоспарлауыңызды сұраймыз", - делінген AlmatyJoly Telegram-арнасында жарияланған хабарламада.

Еске салсақ, бұған дейін Астананың Көлік және жол-көлік инфрақұрылымын дамыту басқармасы қалада бірқатар көшеде алдағы күндері қозғалыс шектелетінін ескерткен еді.

Мәтіннен қате тапсаңыз, бізге жазыңыз