Шілдеден бастап Петропавлдан Мысырдың танымал курорттық аймағына әуе рейсі ашылады

Биыл шілде айынан бастап, Петропавл – Шарм-эш-Шейх бағыты бойынша жаңа туристік әуе рейсі іске қосылады, деп хабарлайды СҚО әкімдігіне сілтеме жасаған KAZ.NUR.KZ.

Ведомствоның мәліметінше, бүгін облыс әкімі Ғауез Нұрмұхамбетов "Қызылжар халықаралық әуежайы" ЖШС-ның жаңа директоры Октем Мұстафа Йылтанмен кездскен.

Кездесуде әуежайдың даму перспективалары, инфрақұрылымды жақсарту және жолаушыларға қызмет көрсету сапасын жақсарту мәселелері талқыланған.

"Маңызды жаңалықтардың бірі – түнгі рейстерге рұқсат берілуі. Бұл әуежайға тәулік бойы ұшақ қабылдауға мүмкіндік береді. Сондай-ақ жаңа жанармай құю станциясы іске қосылды, бұл логистиканың  жақсаруына, үлкен  әуе кемелерін қабылдауға жол ашты.

Сонымен қатар 2 шілдеден бастап Петропавл – Шарм-эш-Шейх бағыты бойынша жаңа туристік әуе рейсі іске қосылады. Болашақта басқа да халықаралық бағыттарды ашу жоспарда бар", - делінген хабарламада.

Жаңа бағыттың ашылуы әуежайдың өткізу қабілетін ұлғайтып, жолаушыларға қызмет көрсетуді жақсартуға және солтүстікқазақстандықтар үшін туристік мүмкіндіктерді кеңейтуге септігін тигізеді деп күтіліп отыр.

Мәтіннен қате тапсаңыз, бізге жазыңыз