Астанада бірнеше күн бойы Алаш тасжолының учаскесі жабық болады

Астанада Алаш тасжолының учаскесі жөндеу жұмысына байланысты жабылады, деп хабарлайды Астана әкімдігіне сілтеме жасаған KAZ.NUR.KZ.

"Астанада Алаш тасжолының 69 көшесінен 191 көшесіне дейінгі аралығында жол жабынының жоғарғы қабатын салу жұмысы жүргізіледі", - делінген елорда әкімдігінің ресми сайтында.

Осыған байланысты, 20-22 маусым аралығында көлік қозғалысы ішінара жабылады.

"Жүргізушілер мен жаяу жүргіншілер қозғалыс бағытын алдын ала жоспарлап, мүмкін болатын өзгерістерді ескеруі қажет.

Қауіпсіздікті қамтамасыз ету және қолайсыздықтарды азайту мақсатында уақытша жол белгілері мен бағыттаушы көрсеткіштер орнатылады", - деп ескертті әкімдік өкілдері.

Мәтіннен қате тапсаңыз, бізге жазыңыз