Тағы 150-ге жуық Қазақстан азаматы Израиль мен Ираннан эвакуацияланды

Қазақстанның тағы 144 азаматы Израиль мен Ираннан эвакуацияланды, деп хабарлайды еліміздің Сыртқы істер министрлігіне сілтеме жасаған KAZ.NUR.KZ.

"Қазақстан Республикасының Сыртқы істер министрлігі үйлестірілген эвакуациялық іс-шаралар шеңберінде Израильден 66 отандасты (Мысыр аумағы арқылы), Ираннан 78 азаматты (Армения арқылы – 73, Әзербайжан арқылы – 2, Түрікменстан арқылы – 3) шығарды.

Иран және Израильдегі қазақстандық дипломаттар өз азаматтарына қажетті консулдық-құқықтық көмекті қамтамасыз ету бойынша жұмысты жалғастыруда.

ҚР СІМ Израиль, Мысыр және Армения билігіне өз ризашылығын білдіреді, сондай-ақ қазақстандықтарды эвакуациялауға қолдау көрсетіп жүрген ирандық, әзербайжан және түрікмен әріптестеріне алғыс айтады. Бірлескен күш-жігердің арқасында азаматтарымыз үйлеріне аман-есен оралуға мүмкіндік алуда", - делінген хабарламада.

Айта кетейік, бұған дейін Қазақстан Таяу Шығыстағы қақтығыс аймағынан өз азаматтарын эвакуациялап, 109 адам елге оралған еді.

Мәтіннен қате тапсаңыз, бізге жазыңыз