"40 жаста емеспін, кейбірі күмән келтіреді": 71 жастағы зейнеткер жас көрінуінің сырын айтты

Jibek Joly арнасындағы "Бүгін.Live" бағдарламасына 71 жастағы зейнеткер Насима Хаева сұқбат беріп, өзінің жас көрінуінің сырын айтты. , деп жазады KAZ.NUR.KZ.

"Мақтау сөзіңізге рақмет. Мен шынымен 40 жаста емеспін, жасым 71-де. Кейбірі күмән келтіреді. Кейбірі тіпті жеке куәлік көрсетуімді сұрайды. Мұның бәрі өмірге деген көзқарасымның дұрыс болғанынан шығар деп ойлаймын. Мұның бәрі позитивті жүргеннен, дұрыс тамақтанудан, физикалық жаттығу жасаудан және өмірге деген көзқарастың дұрыстығынан деп ойлаймын", - деді Насима Хаева.

Зейнеткер неліктен блог жүргізе бастағанын да айтты.

"Наурыз айында блог жүргізе бастадым. Мен адамдарға өмірімде болып жатқанды бөліскім келді. Нәтижесі керемет шықты. Блог таныла бастады. Наурыз айында 30 күн ішінде 3,5 млн қаралым болды. Бірінші кезекте менің спортпен жаттығып жатқан видеом тез тарады. 71 жасымда көп әйелге мотивация бердім.

Осы жасымда отырып қалатындар көп. Адам зейнетке шыққанда оның басқа приоритеттері пайда болады, немерелері дүниеге келеді. Маған адамдар көп жазды. Мен мотиватор болған екенмін. 35, 45 жастағы өмірден шаршап қалған адамдар да жазды, ал мен оларға мотивация бердім, - деді Насима Хаева.

Мәтіннен қате тапсаңыз, бізге жазыңыз