Алматыда кей көшелерде көлік қозғалысы уақытша шектеледі

Алматыда орташа жөндеу жұмыстарына байланысты Саин-Жұбанов көшелерінің қиылысындағы жолайрық пен Исинәлиев көшесінің бір бөлігінде көлік қозғалысы уақытша шектеледі. Бұл туралы қала әкімдігінің баспасөз қызметіне сілтеме жасаған KAZ.NUR.KZ хабарлайды.

Әкімдіктің мәліметінше, 21 шілде сағат 22:00-ден 22 шілде сағат 06:00-ге дейін Исинәлиев көшесіндегі №24 үйден бастап Жолбарыс көшесіне дейінгі бөлік жабылады.

Сондай-ақ 21 шілде сағат 23:00-ден 22 шілде сағат 6:00-ге дейін Саин-Жұбанов көшелерінің қиылысындағы жолайрықтың шығыс жағындағы бұрылыстар жабылады.

Ал 22 шілде сағат 23:00-ден 23 шілде сағат 6:00-ге дейін батыс жағындағы бұрылыстар жабылады.

"Жөндеу жүргізілетін аумақта ескерту белгілері, мердігер ұйым жетекшісінің байланыс деректері көрсетілген тақталар қойылады. Маршрутыңызды алдын ала жоспарлауыңызды сұраймыз", - делінген хабарламада.

Мәтіннен қате тапсаңыз, бізге жазыңыз