Ұлттық ұлан сарбаздары өзін жайсыз сезінген астаналық жасөспірімге жедел көмек көрсетті

Елордадағы "Астана Арена" спорт кешені маңында қызмет атқарып жүрген Ұлттық ұлан сарбаздары өзін жайсыз сезінген жасөспірімді байқап, оған алғашқы көмек көрсетті, деп хабарлайды Polisia.kz.

Ақпараттық медиапорталдың жазуынша, патрульдеу кезінде 5573 әскери бөлімінің қатардағы сарбаздары Иманжүсіп Түменбаев пен Александр Баширов "Астана Арена" спорт кешені маңында басы айналып, жерге құлаған баланы байқап, дереу көмекке ұмтылған.

Сарбаздар баланы орнынан тұрғызып, алғашқы медициналық көмек көрсеткен. Кейін анасына хабарласып, баланы көлікке дейін көтеріп апаруға көмектескен.

Айта кетейік, бұған дейін де ұландықтар "Астана Арена" стадионының жанындағы мерекелік концерт кезінде есінен танып қалған бірнеше көрерменге көмек көрсеткен еді.

Мәтіннен қате тапсаңыз, бізге жазыңыз