Туристерге Катонқарағай ұлттық паркіне кіруге уақытша шектеу қойылды

Опубликовано:29 шілде 2025, 10:19

Катонқарағай ұлттық табиғи паркі аумағында жоғары өрт қаупіне байланысты уақытша шектеулер енгізілді, деп хабарлайды ұлттық парктің ресми сайтына сілтеме жасаған KAZ.NUR.KZ.

Парк әкімшілігінің хабарлауынша, Катонқарағай мемлекеттік ұлттық табиғи паркінің аумағында 5-санаттағы өрт қауіптілігі жарияланған.

Осыған байланысты өрт қауіпсіздігі қағидаларының 17-тармағы, 9-тармақшасына сәйкес, жеке тұлғалардың мемлекеттік орман қоры аумағында болуына шектеулер енгізілген.

Естеріңізге сала кетейік, өткен демалыс күндері Алматыда да 5-санаттағы өрт қауіптілігі жарияланған еді.

ТЖД мамандарының айтуынша, мұндай жағдайда кез келген ұшқын ірі өртке әкеп соғуы мүмкін.

Мәтіннен қате тапсаңыз, бізге жазыңыз