Қазақстанда Абай есімді қанша адам бар

Биыл ұлы ақын, ағартушы Абай Құнанбайұлының туғанына 180 жыл толып отыр. Елімізде Абай есімді 18 763 адам тұрады, деп хабарлайды KAZ.NUR.KZ Ұлттық статистика бюросына сілтеме жасап.

Ұлттық статистика бюросының хабарлауынша, бұл есім иелерінің көбі Астана қаласы (2 089 адам), Түркістан облысы (2 018) және Алматы қаласында (1 719) тұрады.

Абай есімді ең егде тұрғын 1932 жылы дүниеге келген. Бұл есім ең көп таралған жас тобы – 30-34 жас аралығындағылар, олардың саны – 3 228 адам. Биылғы бірінші жарты жылда туған 157 нәрестеге Абай есімі берілген.

Бұл есім қыз балаларға да қойылған, Қазақстанда Абай есімді 10 әйел тіркелген. Ал Ибраһим (Ибрагим, Ибрахим) есімді азаматтардың саны елімізде 35 404 адам.

Ақынның құрметіне елімізде 1 облыс, 1 қала, 3 аудан және 26 ауылға ұлы тұлға есімі берілген.

Мәтіннен қате тапсаңыз, бізге жазыңыз