"Балаларды құлдықта ұстаған": Жамбыл облысында полиция қызметкерлеріне қатысты тексеріс басталды
Опубликовано:
Жамбыл облысы Талас ауданында жасөспірім балаларды ұрып-соғу дерегі бойынша қылмыстық ңс қозғалды. Ішкі істер министрі Ержан Сәденов аталған істі жеке бақылауына алды, деп хабарлайды polisia.kz-ке сілтеме жасаған KAZ.NUR.KZ.
Ішкі істер министрі Ержан Саденов Жамбыл облысы Талас ауданында екі кәмелетке толмаған баланы жүйелі түрде ұрып-соғу дерегі бойынша қылмыстық істі жеке бақылауына алды. Бұл туралы ведомствоның ресми өкілі Шыңғыс Алекешев хабарлады.
"Күдікті ұсталып, уақытша ұстау изоляторына қамалды. Жәбірленуші балаларға қажетті медициналық және психологиялық көмек көрсетілуде. Сонымен қатар жергілікті полиция қызметкерлеріне қатысты қызметтік тексеру басталды. Ішкі істер министрі бұл істі жеке бақылауына алды", - деп жазды ол өзінің Instagram парақшасында.
ІІМ-де балаларға қатысты зорлық-зомбылықтың кез келген түрі қатаң түрде тоқтатылып, кінәлілер заң аясында жауапкершілікке тартылатыны атап өтілді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2273466-balalardy-quldyqta-ustagan-zhambyl-oblysynda-politsiia-qyzmetkerlerine-qatysty-tekseris-bastaldy/