Костенко шахтасындағы апат: айыпталушыларға сот үкімі шықты

Қарағандыда Костенко шахтасындағы 46 кеншінің өліміне қатысты іс бойынша сот үкімі шықты. Сотталушылар 5 жылдан 8 жылға дейін бас бостандығынан айырылды, деп хабарлайды ҚазАқпарат.

Агенттіктің хабарлауынша, 10 айыпталушыға да бас бостандығынан айыру жазасы тағайындалды.

Сот үкімі бойынша:

• Костенко шахтасының директоры Сергей Мустивко - 8 жылға;
• Өндіріс бойынша директордың орынбасары Вадим Ерёмин - 7 жылға;
• Бас инженер Николай Грознов - 7 жылға;
• №6 учаскенің бастығы Виктор Коптенков - 7 жылға;
• Бас инженердің үңгілеу жөніндегі орынбасары Владимир Гонноченко - 6 жыл 6 айға;
• Бас инженердің қауіпсіздік техникасы жөніндегі орынбасары Дмитрий Федоренко - 6 жылға;
• Желдету және қауіпсіздік техникасының бастығы Владимир Шишканов - 5 жылға;
• Бас механик Дмитрий Коцар - 6 жылға;
• Желдету және қауіпсіздік техникасы учаскесінің шаң жарылысынан қорғау жөніндегі бастығының көмекшісі Виталий Пестряк - 6 жылға;
• Конвейерлік көлік учаскесінің бастығы Тулеген Габдушев - 5 жылға бас бостандығынан айырылды.

Мәтіннен қате тапсаңыз, бізге жазыңыз