Қазақстандықтар АЭС атауын өздері таңдайды

Қазақстандықтар АЭС атауын жалпыхалықтық конкурс арқылы таңдайтын болады. Атом энергиясы жөніндегі агенттік конкурсты ұйымдастыру жұмыстарына кірісті, деп хабарлайды ведомствоның баспасөз қызметіне сілтеме жасаған KAZ.NUR.KZ.

Атом энергиясы жөніндегі агенттік Алматы облысының Жамбыл ауданында салынатын атом электр станциясына атау беру бойынша жалпыхалықтық конкурсты ұйымдастыру жұмыстарын бастап кетті.

"Президенттің ұсынысына сәйкес, Агенттіктің бұйрығымен 29 тамызға дейін конкурсты өткізу алгоритмін және оның мерзімдері мен ұсыныстарды қабылдау және қарау тәртібін қамтитын ережелер жобасын әзірлеу тапсырылған жұмыс тобы құрылды", - делінген ресми хабарламада.

Конкурстық комиссия құрамына қоғам өкілдері, креативтік индустрия мамандары, атом энергетикасы, филология және тарих салаларының сарапшылары кіреді.

Мәтіннен қате тапсаңыз, бізге жазыңыз