"Құны 150 млн теңгеден асады": Қытайдан Қазақстанға жүк көліктерін заңсыз әкелу арнасы анықталды
Опубликовано:
Бас көлік прокуратурасы Қытайдан Қазақстанға жалған құжаттар арқылы жүк көліктерін заңсыз әкелу арнасын анықтады, деп хабарлайды құзырлы органға сілтеме жасаған KAZ.NUR.KZ.
"Қадағалау органы жүргізген талдау барысында елімізге Қытай Халық Республикасында өндірілген құны 150 млн теңгеден асатын, экологиялық талаптарға сай келмейтін жүк көліктерін жалған құжаттар арқылы заңсыз әкелу арнасы анықталды.
Қылмыстық істі Бас көлік прокуратурасының сотқа дейінгі тергеп-тексеру басқармасы тергеп жатыр, кешенді тергеу әрекеттері жүргізілуде", - делінген хабарламада.
Айта кетелік, бұған дейін Қытайдан халық тұтынатын тауарларды контрабандалық жолмен әкелу және аса ірі мөлшерде жалған шот-фактуралар жазу дерегі бойынша айыпталушыларға сот үкімі шыққан еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2281563-quny-150-mln-tenggeden-asady-qytaidan-qazaqstanga-zhuk-kolikterin-zangsyz-akelu-arnasy-anyqtaldy/