Депутат Мұрат Әбенов "Қазақстан халқына" қорының Қамқоршылық кеңесінің мүшесі болып сайланды

Мәжіліс депутаты Мұрат Әбенов "Қазақстан халқына" қоғамдық қоры Қамқоршылық кеңесінің құрамына кірді, деп хабарлайды қордың ресми сайтына сілтеме жасаған KAZ.NUR.KZ.

"Қамқоршылық кеңесінің 2025 жылғы 2 қыркүйектегі №87 шешімімен Мұрат Абдуламитұлы Әбенов қордың Қамқоршылық кеңесінің мүшесі болып сайланды", - делінген хабарламада.

Мұрат Әбенов – белгілі қоғам қайраткері және Қазақстан парламенті мәжілісінің депутаты, президент жанындағы Ұлттық құрылтайдың мүшесі.

Хабарламада Мұрат Әбеновтің мемлекеттік секторда да және қоғамдық салада жұмыс тәжірибесі мол екені айтылған.

Айта кетейік, биыл қаңтар айының соңында "Қазақстан халқына" қоғамдық қорының басқарма төрайымы болып Ләззат Шыңғысбаева сайланған еді.

Ал бұған дейін қоғамдық қорды үш жыл Болат Жәмішев басқарған болатын.

Мәтіннен қате тапсаңыз, бізге жазыңыз