Қазақстандықтар енді Арменияға жеке куәлігімен бара алады

Қазақстандықтар Арменияға жеке куәлігімен бара алады, ал Армения азаматтарына Қазақстанда визасыз жүруге рұқсат беріледі, деп хабарлайды мәжілістің баспасөз қызметіне сілтеме жасаған KAZ.NUR.KZ.

Мәжіліс Қазақстан мен Армения үкіметтері арасындағы азаматтардың сапарлары мен болу тәртібі туралы келісімді ратификациялады.

Құжатқа 2024 жылғы 15 сәуірде Ереванда қол қойылған. Оны ратификациялау екі ел азаматтарының бір-бірінің аумағында болуына қолайлы жағдай жасап, екіжақты ынтымақтастықты нығайтады.

Келісім аясында шетелге шығуға арналған құжаттар тізімі кеңейеді. Енді оған Қазақстан азаматтары үшін жеке куәлік және Армения азаматтары үшін сәйкестендіру кіреді. Осылайша, қазақстандықтар Арменияда ішкі құжатпен жүре алады. Бұрын мұндай ережелер тек Ресей мен Қырғызстанға бару үшін жарамды болатын.

Қазақстан мен Армения азаматтарының бір-бірінің аумағында болу мерзімі өзгеріссіз қалады. Мемлекеттік шекарадан өткеннен бастап 90 күн және алты ай ішінде жалпы алғанда осы мерзімнен аспауы керек.

Сонымен қатар белгіленген мерзім өткеннен кейін Армения азаматтарына уақытша тұруға ықтиярхат (жұмыс, оқу, бизнес, отбасын құру және т.б.) алған жағдайда Қазақстанда болуға рұқсат етіледі. Қазіргі уақытта бұл үшін виза қажет.

Мәтіннен қате тапсаңыз, бізге жазыңыз