Қазақстан халқының саны 20,5 миллион адамнан асты

Ұлттық статистика бюросы Қазақстан халқының санына қатысты жаңа деректерді жариялады, деп хабарлайды KAZ.NUR.KZ.

Ұлттық статистика бюросының мәліметінше, 1 ақпандағы жағдай бойынша еліміздегі халық саны 20 518 005 адамға жеткен.

Қалалық жерлерде 13 106 358 адам, ауылдық жерлерде 7 411 647 адам тұрады.

"Жыл басынан бері халық саны 18,1 мың адамға өскен. Оның 15,8 мыңы табиғи өсім, 2,3 мыңы – көші-қонның оң сальдосы есебінен", - делінген хабарламада.

Бюро Қазақстан халқының саны 20 миллионға 2023 жылдың қарашасында жеткенін еске салды.

Мәтіннен қате тапсаңыз, бізге жазыңыз