Air Astana Таяу Шығысқа қатысты рейстер бойынша маңызды хабарландыру жасады
Опубликовано:
Air Astana Таяу Шығысқа қатысты рейстер бойынша жаңа мәлімдеме жасады, деп хабарлайды әуекомпаниясының баспасөз қызметіне сілтеме жасаған KAZ.NUR.KZ.
"Air Astana компаниялар тобы Сауд Арабиясы мен Мысырдың авиациялық билігінен рұқсат алған жағдайда 3 наурызда Батыс Қазақстаннан Мединаға 2 репатриациялық рейсті және Жиддаға 2 репатриациялық рейсті орындауды жоспарлап отыр.
Сонымен қатар компаниялар тобы Таяу Шығыс елдеріне тұрақты рейстерді 6 наурызға дейін (қоса алғанда) тоқтатады, ал билеттер 13 наурызға дейін (қоса алғанға) сатылмайды", - делінген әуекомпаниясы таратқан хабарламада.
Әуекомпаниясының өкілдері жағдайды мұқият қадағалап отырғандарын және жолаушыларды алдағы өзгерістер туралы жедел хабардар ететінін атап өтті.
Естеріңізге сала кетейік, бұған дейін "Туристік Қамқор" қорының төрайымы Парсы шығанағындағы елдерде 4 мыңнан астам қазақстандық турист бар екенін айтқан еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/society/2349486-air-astana-taiau-shygysqa-reister-boiynsha-mangyzdy-habarlandyru-zhasady/