Головкин Доминик Уэйдті еш қиналмастан нокаутпен жеңді (фото, видео)

Опубликовано:

Қазақстандық Геннадий Головкин америкалық Доминик Уэйдті техникалық нокаутпен жеңді.

Фото: roundbyroundboxing.com

Бұл туралы NUR.KZ хабарлайды.

Доминик Уэйд бірінші раундтың соңында нокдаун алып үлгерген болатын. Екінші раундта Головкин қарсыласын 2 рет нокдаунға жіберді. Бірінші рет есеңгіреп қалса да, есін жиған Доминик екінші нокдаунға шыдай алмады. Төреші кездесуді тоқтатты.

Осылайша, Геннадий Головкин кәсіби бокстағы 35-ші жеңісіне қол жеткізді.

Головкин WBA, IBF, IBO, WBC (Interim) тұжырымдары бойынша орта салмақтағы әлем чемпионы. Жерлесіміз бүгінге дейін кәсіби бокста 34 кездесу өткізіп, барлығында жеңіске жеткен. 31 жекпе-жекті мерзімінен бұрын нокаутпен аяқтаған.

Доминик Уэйд 18 кездесу өткізіп, барлығында жеңіске жеткен боксшы. Ол 12 жекпе-жегін мерзімінен бұрын бітірген.

Екі боксшы арасындағы кездесуді "Қазақстан" ұлттық арнасы тікелей эфирде көрсетті. Жекпе-жек Лос-Анджелестегі (АҚШ) "Форум" аренасында өтті.

Танымал боксшы Энди Ли Головкинге сәттілік тілеп, әлеуметтік желіде жазба қалдырды.

Генаның шапаны да дайын тұр.

Жан Клод Ван Дамм Головкинге қолдау көрсету үшін арнайы келді.

Сонымен қатар, мәжіліс депутаты Мұхтар Тінікеев те боксшыға қолдау көрсету үшін арнайы ұшып барды.

Мақаланың түпнұсқасы: https://kaz.nur.kz/sport/1110138-golovkin-men-ueyd-arasyndaghy-kezdesu/