Жасы 70-ке жақындаған Жақсылық Үшкемпіров әлі бабында екенін дәлелдеп берді (фото)
Опубликовано:
Классикалық күрестің шебері, ардагері, 1980 жылғы Олимпиада ойындарының чемпионы, КСРО-ға еңбегі сіңген спорт шебері, әлем чемпионы Жақсылық Үшкемпіров бүгін өзінің керемет спорттық қалыпта екенін жас спортшыларға дәлелдеп берді деп хабарлайды Dodasports.kz.
Алматы қаласында өткен шеберлік сағатында қарт балуан жас балуандардың бірін алып жықты. 65-ті еңсерген чемпион залға жиналған 200-ден астам жас балуандарға күрестің қыр-сырын паш етті. Онымен қоса сұрақтарға жауап беріп, өзінің қиын спорттық өмірі туралы айтып берді.
"Бүгін менің өмірімдегі ең бір қызықты есте қаларлық оқиға болды, — деп Жақсылық Үшкемпіров шеберлік сағатынан алған әсерімен бөлісті, - Жас балуандардың күреске деген құштарлығын ояту үшін бұндай шараларды жиі өткізіп отыру керек. Тек қалаларда ғана емес, ауылдық жерлерде де өткізген дұрыс. Сонда ғана елімізде Олимпиада чемпиондары мен әлем чемпиондары өсіп шығады. Бұл жастарға үлгі болады. Маған сұрақтар қойылған кезде мен балалық шағыма оралғандай боламын. Бүгінгі кездесуге ризамын. Бүгінгі жас ертең бізге ұқсаған чемпион болса екен деген тілегім бар", — деді балуан.
Онымен қоса Олимпиада чемпионы Алматы тұғындарына «Халық аренада» ашылған тегін күрес үйірмелеріне баруға кеңес берді. Бүгінгі шара Алматы қаласында бастау алған тегін күреспен айналысу науқанына байланысты өткен болатын.
Айта кетейік, осы секілді шеберлік сағаттары 10 күн сайын өткізіліп тұрады. Оған Олимпиада чемпиондары, әлем біріншіліктерінің жеңімпаздары мен түрлі Халықаралық додаларда топ жарып жүрген балуандырымыз қатысады.
Бұдан бұрын даңқты балуандырымыздың бірі Дәулет Тұрлыханов шеберлік сағат өткізген болатын.
Бұл жаңалықты Whatsapp арқылы немесе әлеуметтік желіде бөлісіңіз
⇓⇓⇓
Тағы оқыңыздар:
Оралда әріптесін ұрып өлтірген шенеунік сотталып кетті
Павлодарда КамАЗ көлігімен бірге төрт жасар сәби өртеніп кетті
Танымал пойызда өріп жүрген тарақандар жолаушыларды шошытты
Емханаға өздігінен жете алмаған әйел тікұшақ ішінде босанып қалды (фото)
Мақаланың түпнұсқасы: https://kaz.nur.kz/sport/1464822-zhasy-70-ke-zhaqyndaghan-zhaqsylyq-ushkempir/
