Калифорния штатының Карсон қаласындағы "StubHub Center" аренасында өткен бокс кешінің басты жекпе-жегінде Геннадий Головкин жеңіске жетті. Ол қарсыласы Ванес Мартиросянды екінші раундта нокаутқа жіберді деп хабарлайды NUR.KZ.
Геннадий Головкин мен (37-0-1, 33 КО) Ванес Мартиросянның (36-3-1, 21 КО) кездесуі жерлесіміздің жеңісімен аяқталды.
Бірінші раундта жерлесіміз бірнеше соққы жіберіп алғанымен, екінші раунд теке-тіреске толы болды.
Ол он екі раундқа созылатын жекпе-жекті екінші раундта нокаутпен аяқтады.
Айта кетейік, Головкин күні кеше "Қазақстан барысы" Айбек Нұғымаровтан жолдама алған болатын.
Сондай-ақ ол биылғы жылдың күзінде Сауль Альвареспен қайта жүздесуі мүмкін.
Мақаланың түпнұсқасы: https://kaz.nur.kz/sport/boxing/1730637-gennadij-golovkin-karsylasy-martirosandy-ekinsi-raundta-nokautpen-zedi-video/
