Аргентина құрамасы шешуші ойын алдында бапкерінен бас тартты
Опубликовано:
Әлем чемпионатының шешуші матчінің алдында аргентиналық футболшылар бас бапкердің көмегін қажет етпейтін болып шықты. Алдағы ойынға шығатын аяқдопшыларды Месси мен Маскерано таңдайтын болады деп хабарлайды lenta.ru сайтына сілтеме жасаған NUR.KZ.
Бұл туралы футбол жұлдызы Рикардо Джусти мәлімдеген болатын. Ол бас бапкер Хорхе Сапмаолимен сөйлескеннен кейін, оның негізгі құрамды таңдамайтынын білген.
Маманның айтуынша, Нигериямен болатын маңызды ойынға шығатын футболшылар толығымен Месси мен Маскераноның қалауымен таңдалмақ.
Оның үстіне, Рикардо Джусти бапкердің ойын кезінде алаңға да шықпауы мүмкін екенін айта кетті.
Бұл жағдайға қатысты әзірге Аргентина футболы федерациясы пікір білдірген жоқ.
Мақаланың түпнұсқасы: https://kaz.nur.kz/sport/1738823-argentina-kramasy-sesusi-ojyn-aldynda-bapkerinen-bas-tartty/
