Әлем чемпионатын жеңіп алған Франция құрамасы өзінің миллиондаған жанкүйерлеріне естен кетпес әсер қалдырды. Бұл тарихи оқиғаны тойлаған француздар қуаныштары қойнына сыймай, жеңісті сәтті тойлаймыз деп Париждегі басты мұнараны жағып жібере жаздады деп хабарлайды NUR.KZ.
Ресейде өткен футболдан әлем чемпионаты өз мәресіне жетті. Турнирдің жеңімпазы болып Франция құрамасы атанды. Олар чемпиоанттың финалында Хорватия командасынан мықты екенін дәлелдеп, 4:2 есебімен жеңіске жеткен.
Бұл қуанышты сәтті әсерлі қылып тойлағысы келген француздар Парижде нағыз естен кетпес шоу ұйымдастырды. Құрамасының жеңімпаз болғанын ауқымды түрде атап өткісі келген олар Эйфел мұнарасын жағып жібере жаздады.
Алдын ала құрамасының жеңісіне сенген франциялықтар елордаларындағы басты мұнарасының маңына мыңдаған отшашуларды орнатып қойған.
Мақаланың түпнұсқасы: https://kaz.nur.kz/sport/other-sports/1742353-katty-kuangan-francuzdar-ejfel-mnarasyn-zaryp-zibere-zazdady-video/
