Қазақстандық боксшы, әлемнің вице-чемпионы Сұлтан Зауырбек бүгін түнде кәсіби рингтегі кезекті жеңісіне қол жеткізді деп хабарлайды ҚазАқпарат агенттігі.
Лондондағы York Hall аренасында Сұлтан Зауырбек екінші орта салмақтағы болгар боксшысы Любена Тодоровке қарсы жұдырықтасты.
Жекпе-жек төртінші раунда нокутпен аяқталды.
"Аллаға шүкір, төртінші жеңісіме қол жеткіздім! 2019 жыл сәтті басталды!", - деп жазды спортшы өзінің Instagram парақшасында.
Айта кетейік, Сұлтан Зауырбек - 2014 жылғы жастар арасындағы әлем чемпионатының күміс жүлдегері.
Мақаланың түпнұсқасы: https://kaz.nur.kz/sport/boxing/1780220-kazakstandyk-bokssy-londonda-karsylasyn-nokautka-tsirdi-video/
