Орта салмақтағы әлемнің экс-чемпионы Геннадий Головкин келесі жекпе-жегін маусым айында өткізбек. Қазақстандық боксшы үшін бұл DAZN стримингті қызметімен үш жылдық келісім шартқа отырғаннан бері ұйымдастырылған алғашқы кездесу болмақ деп хабарлайды Вести сайтына сілтеме жасаған KAZ.NUR.KZ.
Осыған дейін GGG жаттықтырушысы Абель Санчес апта соңында Головкиннің қарсыласы кім екенін талқылайтынын жеткізген.
Головкинмен бірге шаршы алаңға шығуы мүмкін әлеуетті спортшылардың қатарында поляк Камил Шеремета және америкалық Брэндон Адамс бар.
ExpressNews.com сайтының хабарлауынша, Головикннің командасы кездесу өткізуге төрт орынды қарастыруда. Бұл Сан-Антонио, Нью-Йорк, Лос-Анджелес және Лас-Вегас қалалары.
Мақаланың түпнұсқасы: https://kaz.nur.kz/sport/boxing/1785617-golovkinni-kelesi-zekpe-zegi-kajda-tetini-belgili-boldy/
