Top.Mail.Ru
Спорт

Сайт нұсқасы

ru kz

Зектілері

Хабиб Нурмагомедов ресми түрде мансабын аяқтады

Опубликовано:

Хабиб Нурмагомедов
Хабиб Нурмагомедов. Фото: Gettty Images/ Jeff Bottari / Contributor

Әлем чемпионы Хабиб Нурмагомедовтың мансабын ресми түрде аяқтағаны белгілі болды. Бұл туралы UFC президенті Дана Уайт Twitter желісіндегі парақшасында жазды.

"29-0. Ол карьерасын ресми түрде аяқтады, 100 пайыз. Сенің қалай жұмыс істегеніңді көру керемет болды, бәріне рақмет, одан әрі болатын жағдайлардан ләззат ал, досым", - деді Дана Уайт.

Еске сала кетейік, өткен жылы 25 қазанда Абу-Дабиде өткен UFC 254 турнирінде Хабиб Нурмагомедов америкалық Джастин Гэтжи екінші раундта тұншықтыру әдісімен жеңіп, UFC-тегі 29-жеңісіне қол жеткізген болатын.

Бұл Хабибтің әкесі Абдулманап Нурмагомедовтің өмірден өткенінен кейінгі бірінші кездесуі болатын. Гэтжи болса карьерасында үшінші рет жеңілді.

Жекпе-жектен кейін Нурмагомедов спорттық мансабын аяқтайтынын мәлімдеді.

"Бүгін мен соңғы жекпе-жегімді өткізгенім туралы хабарлағым келеді. Менің бар қалайтыным – салмақ дәрежесіне қарамай жасалатын рейтингтің бірінші орнына шығу. Мен бұған лайықтымын деп ойлаймын. 29-0. Бір рет жеңілген жоқпын. Ұйымның басшылары рақмет айтқым келеді. Барлықтарыңызға рақмет. Анама енді төбелеспеймін деп уәде бердім", – деді Хабиб жекпе-жектен кейін.

Спортшы алдағы уақытта анасының жанында болуға ниетті екенін жеткізген.

Кейін UFC басшысы Дана Уайт Хабиб Нурмагомедов мансабын қайта бастаса, кіммен кездесуі мүмкін екенін айтқан еді.

Мақаланың түпнұсқасы: https://kaz.nur.kz/sport/mma/1904125-xabib-nurmagomedov-resmi-turde-mansabyn-ayaqtady/

pixel