Қазақстандық атышулы ММА спортшысы Қуат Хамитов өзінің алдағы жекпе-жегі жөнінде ресми мәлімдеме жасады. Аталған жазба "Найманның" Instagram желісіндегі парақшасында жарияланды деп хабарлайды KAZ.NUR.KZ.
"Ресми! Біз келесі жекпе-жекке дайындықты бастадық! Өтетін орны мен уақытын жақында жариялаймыз", - деп жазды Хамитов өз парақшасында.
Спортшының жанкүйерлері оның бұл жаңалығын қуанышпен қабылдап, сәттілік тіледі.
Естеріңізге сала кетсек, "Найман" лақап атымен танылған Қуат Хамитов 2021 жылдың 22 қаңтарында Ресейдегі аралас жекпе-жектен AMC Fight Nights турнирінің бірінші раундында қарсыласы Максим Пантелеевты нокаутқа түсірген болатын.
Осылайша, отандасымыз өзінің кәсіби мансабындағы 20-шы жеңіске қол жеткізді.
Айта кетерлігі, қазақстандық "жауынгердің" алдымен Магомед Магомедовпен, кейіннен Алексей Ильенкомен жекпе-жекке шығатыны хабарланды.
Алайда кездесуге санаулы сәттер қалғанда оның қарсыласын ауыстырып жіберген.
Сонымен қатар, Қуат Хамитов Ресейдегі жеңісін марқұм даңқты спортшы Жақсылық Үшкемпіровке арнады.
Мақаланың түпнұсқасы: https://kaz.nur.kz/sport/mma/1908385-atysuly-quat-naiman-resmi-malimdeme-zasady/
