Жапония астанасы Токио қаласында XXXII жазғы Олимпиада ойындарының ашылу салтанаты басталды хабарлайды KAZ.NUR.KZ тілшісі.
Көптен күткен айтулы доданы "Qazaqstan", "Qazsport" және "Хабар" телеарналары тікелей эфирде көрсетуде.
Қазақстан құрамасын ту ұстаушылар боксшы Қамшыбек Қоңқабаев пен жеңіл атлет Ольга Рыпакова бастап шығады.
Айта кетейік, XXXII жазғы Олимпиада ойындары Токиода 23 шілде мен 8 тамыз аралығында өтеді. Қазақстан құрамасы спорттың 27 түрінен сынға түседі.
Қазақстандықтар олимпиадалық жарыстарды "Qazaqstan", "Qazsport" және "Хабар" телеарналарынан тікелей эфирде көре алады.
Спортшыларымыздың қай күндері сынға түсетінін бұған дейін хабарлаған едік.
Мақаланың түпнұсқасы: https://kaz.nur.kz/sport/other-sports/1923683-tokio-2020-xxxii-zazgy-olimpiada-oiyndarynyn-asylu-saltanaty-bastaldy/
