RU

Зульфия Чиншанлоға Талдықорғаннан үш бөлмелі пәтер тарту етілді

Зульфия Чиншанло
Зульфия Чиншанло. Фото: Twitter.com/olympic_kz

Талдықорғанда Токио Олимпиадасының қола жүлдегерлері Зульфия Чиншанло мен Игорь Сонға пәтер тарту етілді. Зульфияға облыс әкімі үш бөлмелі пәтер кілтін табыстаса, Игорь Сон екі бөлмелі пәтерді сыйға алды, деп жазады «Хабар 24».

Талдықорған қаласының орталығынан үш бөлмелі пәтер Зульфия Чиншанлоға табысталды. Игорь Сон мен оның жаттықтырушысы Сергей Седов та марапатсыз қалған жоқ. Игорға екі бқлмелі пәтердің сертификаты берілсе, Седовқа екі миллион теңгеге тең ақшалай сыйақы тарту етілді.

Чиншанло
Фото: "Хабар 24"

«Жарақаттарымызды жазып алуымыз керек. Сосын келесі Оолимпиадаға дайындалатын боламыз. Бұйырса, онда біз алтын үшін таласатын боламыз», - деп уәде етті Игорь Ссон.

Айта кету керек, жуырда мемлекет басшысы Қасым-Жомарт Тоқаевтың жарлығымен Зульфия Чиншанло мен Игорь Сон ХХХII Жазғы Олимпиада ойындарындағы жоғары спорттық жетістіктері үшін ІІ дәрежелі «Достық» орденімен марапатталған болатын.

Мақаланың түпнұсқасы: https://kaz.nur.kz/sport/1927662-zulfiya-cinsanloga-taldyqorgannan-us-bolmeli-pater-tartu-etildi/