RU

Нилуфар Раимова жасөспірімдер арасындағы әйелдер күресінен әлем чемпионы атанды

Күресу сәті
Фото: uww.org

Уфада жасөспірімдер арасындағы күрес бойынша әлем чемпионатында әйелдер арасында финал өтті деп хабарлайды Olympic.kz.

57 келіге дейінгі белдесуге қазақстандық Нилуфар Раимова қатысты. Оған Италиядан келген Аврора Руссо қарсы өнер көрсетті.

Отандасымыздың қарсыласы бірінші кезеңнен кейін басымдыққа ие болды. Алайда, екінші кезеңде Раимова есепті теңестіріп қана қоймай, сонымен қатар финалдық жекпе-жекте жеңіске жетті.

Қорытынды есеп Нилуфардың пайдасына 8:6 болып аяқталды.

Мақаланың түпнұсқасы: https://kaz.nur.kz/sport/1928239-nilufar-raimova-zasospirimder-arasyndagy-aielder-kuresinen-alem-cempiony-atandy/