Бокстан жастар мен жасөспірімдер арасындағы Азия чемпионатында қазақстандық Адайбек Ниязбай екінші жеңісіне қол жеткізді деп хабарлайды Қазақпарат.
Байрақты бәсеке Біріккен Араб әмірлігінің Дубай қаласында өтіп жатыр.
Отандасымыз Адайбек Ниязбай 2005-2006 жылғы жасөспірімдер арасында 54 келі салмақта өнер көрсетуде. Ол алғашқы кездесуінде қарсыласын төрешілердің шешімімен ұтқан еді.
Боксшы екінші жекпе-жегінде сириялық Мухаммедпен жұдырықтасты. Тартысты өткен айқаста ол қарсыласын екі мәрте нокдаунға жіберді. Ал үшінші раундта төрешілер отандасымыздың басымдығын бір ауыздан мақұлдады.
Айта кетейік, Адайбек Ниязбай - Қазақстан чемпионы. Сонымен қатар, Сербияда өткен халықаралық турнирдің жеңімпазы..
Мақаланың түпнұсқасы: https://kaz.nur.kz/sport/boxing/1928368-aziya-cempionaty-qazaqstandyq-bokssy-ekinsi-kezdesuin-de-qarsylasynan-basym-tusti/