Теміртас Жүсіпов өзбек боксшысын таза жеңіп, жартылай финалға өтті

Бокстан Белградта өтіп жатқан әлем чемпионатында жартылай финалға өткен алғашқы боксшы белгілі болды деп хабарлайды Olympic.kz.

48 келіге дейінгі салмақта сынға түскен Теміртас Жүсіпов өзбекстандық Нодиржон Мырзахметовпен кездесті.

Жекпе-жек қазақстандық боксшының айқын басымдығымен өтіп, төрешілер 5:0 есебімен жеңісті Жүсіповке берді.

Осылайша, Теміртас Жүсіпов Қазақстан командасының сапында алғаш болып әлем чемпионатының жартылай финалына шықты.

Теміртастың қоржынында кем дегенде қола медаль бар.

Мақаланың түпнұсқасы: https://kaz.nur.kz/sport/1940193-temirtas-zusipov-ozbek-bokssysyn-taza-zenip-zartylai-finalga-otti/