RU

Әлем чемпионаты: Тағы бір боксшымыз жарыс жолынан шығып қалды

Боксшы
Фото: Olympic.kz

Бокстан Сербия астанасы Белградта өтіп жатқан өтіп жатқан әлем чемпионатының ширек финалында Саматәлі Төлтаев қарсыласына есе жіберді деп хабарлайды KAZ.NUR.KZ тілшісі.

60 келі салмақта сынға түскен Саматәлі франциялық боксшы, Олимпиада ойындарының күміс жүлдегері Софиан Умихадан ұтылды.

Есеп 1:4.

Айта кетейік, әлем чемпионатының жартылай финалына екі боксшымыз шықты. Олар 48 келіде өнер көрсеткен Теміртас Жүсіпов пен 54 келіде жұдырықтасқан Махмұд Сабырхан.

Бүгін аталған отандастарымыздан бөлек жеті боксшы шаршы алаңға көтеріледі.

Мақаланың түпнұсқасы: https://kaz.nur.kz/sport/1940201-alem-cempionaty-tagy-bir-bokssymyz-zarys-zolynan-syqty/