RU

Бекзад Нұрдәулетов кәсіпқой бокстағы кезекті жеңісінен кейін әлемдік рейтингте көтерілді

Бекзад Нұрдәулетов
Фото: instagram.com/nurdauletovbekzad

Қазақстандық боксшы Бекзад Нұрдәулетов кәсіпқой рингтегі үшінші жекпе-жегін өткізді, деп хабарлайды Prosports.kz.

Нұрдәулетов Ақтауда өткен бокс кешінде өнер көрсетті. Оның қарсыласы өзбек Фаррух Джураев (6-4-1, 2 КО) болды. Жартылай ауыр салмақтағы жекпе-жек сегіз раундқа созылды. Нәтижесінде жекпе-жек төрешілердің бірауыздан қабылдаған шешімімен Нұрдәулетовтың пайдасына аяқталды.

Осылайша, Бекзад Нұрдәулетов үшінші жекпе-жегінде жеңіске жетсе, Фаррух Джураев мансабында бесінші рет жеңіліске ұшырады.

Ақтаудағы кездесуден кейін Нұрдәулетов әлемдік BoxRec рейтингінде 12 қатар алға жылжыды. Ол 134 - орыннан 122 - орынға көтерілді.

Еске салайық, қазақстандық кәсіби дебютін өткен жылдың қазан айында өткізген болатын.

Мақаланың түпнұсқасы: https://kaz.nur.kz/sport/1941010-bekzad-nurdauletov-kasipqoi-bokstagy-kezekti-zenisinen-keiin-alemdik-reitingte-koterildi/