Дэвис кубогы: Джокович бастаған Сербия құрамасына есе жіберген Қазақстан жартылай финалға шыға алмады

Опубликовано:

спортшы
Фото: Қазақстан теннис федерациясы

Қазақстан Дэвис кубогының жартылай финалына шыға алмады. Ел құрамасы Новак Джокович бастаған Сербия құрамасына есе жіберді, деп хабарлайды Olympic.kz.

Қазақстан құрамасы Дэвис Кубогының ширек финалында Сербия құрамасынан жалпы 1:2 есебімен жеңіліп қалды.

"Шешуші кездесуде әлемнің бірінші ракеткасы Новак Джокович пен Никола Чачич қазақстандық Андрей Голубев пен Александр Недовесовті 6:2, 2:6, 6:3 есебімен ұтты. Матчтың ұзақтығы 1 сағат 37 минутты құрады" делінген хабарламада.

Естеріңізге сала кетейік, қазақстандықтар Дэвис кубогының ширек финалына "В" тобында бірінші орынмен, Сербия құрамасы F тобында екінші орынмен шыққан болатын.

1/4 финалдың бірінші кездесуінде Михаил Кукушкин қарсыласынан басым түсті.

Екінші кездесуде Новак Джокович Александр Бубликтен айласын асырды. Осылайша, Қазақстан Сербиядан 1:2 есебімен жеңіліп, турнирдің жартылай финалына шыға алған жоқ.

Жартылай финалда Сербия құрамасы Хорватиямен кездеседі.

Мақаланың түпнұсқасы: https://kaz.nur.kz/sport/1944847-qazaqstan-dzokovic-bastagan-serbiya-quramasyna-ese-ziberip-devis-kubogynyn-zartylai-finalyna-syga-almady/