Қазақстандық файтер Жалғас Жұмағұлов UFC турниріндегі төртінші жекпе-жегін өткізді.
Sports.kz хабарлағандай, ол Лас-Вегаста (АҚШ) аралас жекпе-жектен UFC on ESPN 31 турниріне қатысқан болатын.
Онда Жұмағұлов анголалық Манел Капемен (16-6) жұдырықтасты. Олардың ең жеңіл салмақтағы жекпе-жегі үш раундқа жоспарланған, алайда бірінші раундта африкалық файтер отандасымызды нокаутқа түсіріп, жеңіске жетті.
Осылайша, Жалғас Жұмағұлов промоушенде үшінші рет жеңіліс тауып отыр. Бүгінгі жекпе-жекке дейін екі боксшының да UFC-де статистикасы бірдей болды: екі жеңіліс және бір жеңіс.
Қазақстандық UFC-дегі дебютін 2020 жылдың шілдесінде өткізді: бірінші жекпе-жегінде ол бразилиялық Раулиан Паивке бірауыздан ұтылып қалды. Одан кейін ол дәл осындай нәтижемен швед Амир Альбазиден жеңілген. Үшінші жекпе-жегінде бірінші раундта америкалық Джером Ривераны тізе бүктірді.
Мақаланың түпнұсқасы: https://kaz.nur.kz/sport/mma/1945315-zalgas-zumagulov-ufc-degi-tortinsi-zekpe-zeginde-nokautpen-zenildi-video/
