Танымал қазақстандық ММА файтері Арман Әшімов Украина чемпионы, бокстан әлем чемпионатының және Еуропа ойындарының қатысушысы Тимур Белякты жалаң жұдырықпен өткізген дебюттік жекпе-жегінде жеңді, деп хабарлайды Prosports.kz.
Жекпе-жек Киевте Украина лигасының Mahatch FC турнирінде өтті.
Қазақстандық қарсыласын ауыр нокаутқа жіберді.
Айта кетейік, Арман Әшімов октогондағы соңғы жекпе-жегін 3 қазанда өткізіп, әзірбайжандық Серхан Валилиді жеңген болатын.
Одан бөлек, жақында қазақстандық файтер Азат Мақсұм (14-0) Octagon лигасының турнирінде жекпе-жек өткізіп, қырғызстандық Азамат Қарабековті бірінші раундта қылқындыру әдісімен жеңген еді.
Осылайша, Азат Мақсұм мансабындағы он төртінші жеңісіне қол жеткізді.
Мақаланың түпнұсқасы: https://kaz.nur.kz/sport/mma/1947013-arman-asimov-bokstan-alem-cempionatynyn-qatysusysyn-zalan-zudyrygymen-nokautqa-tusirdi/
