Бейжің олимпиадасына жолдама алған шаңғышылардың есімі белгілі болды

Опубликовано:

Спортшы
Фото: Olympic.kz

Бейжің Олимпиадасында Қазақстан атынан жеті шаңғышы сынға түседі. Бұл туралы команданың бас бапкері Александр Батяйкин мәлімдеді деп хабарлайды Olympic.kz. 

Қысқы ойындарда екі ер адам мен бес әйел сынға түседі.

"Команда құрамы бекітілді. Бейжіңге Ксения Шалыгина, Валерия Тюленева, Ирина Быкова, Надежда Степашина, Ангелина Шурыга, Виталий Пухкало және Евгений Величко аттанады.

Бапкерлер құрамына мен, Владимир Борцов пен Андрей Невзоров енді.

Алғашында сегіз жолдама аламыз деп жоспаралағанбыз. Алайда, бір квотаға қолымыз жеткен жоқ. Мен ерлер мен әйелдер арасындағы екі эстафетаға да қатысамыз деп ойлаған едім. Біз пандемия мен шектеулерге байланысты біраз турнирге қатыса алмадық. Тек қана Германияның Оберстдорф қаласында өткен әлем біріншілігінде ғана бақ сынадық.

Олимпиадада біздің спортшылар барлық қашықтықтар бойынша сынға түседі. Тек эстафетадан сырт қаламыз.  Қазіргі таңда команда мүшелері Италияда оқу-жаттығу жиынын өткізіп жатыр. Олимпиадаға 29 қаңтар күні ұшып барамыз", - деді Батяйкин. 

Мақаланың түпнұсқасы: https://kaz.nur.kz/sport/1952344-beizin-olimpiadasyna-zoldama-algan-sangysylardyn-esimi-belgili-boldy/