Бейжің Олмипиадасының кезекті жарыс күні басталды. Бүгін ел намысын шаңғышы қыздарымыз қорғайды, деп жазады KAZ.NUR.KZ тілшісі.
Нұр-Сұлтан уақытымен 13:00-де шаңғышы қыздарымыз жарыс жолына шығады. Классикалық әдісте сынға түсетін отандастарымыздың қатарында Валерия Тюленева, Ксения Шалыгина, Ангелина Шурыга және Надежда Степашкина бар. Олардың өнерін Qazaqstan ұлттық арнасынан тамашалауға болады.
Айта кетейік, кеше, 9 ақпанда шорт тректен Қазақстан намысын қорғаған Әділ Ғалиахметов Бейжің Олимпиадасының финалына шықты. Ақтық мәреде барын салған ол, сегізінші орынға табан тіреді.
Сайыстан кейін ол төрт жылдықтың ірі додасындағы нәтижесіне баға беріп, алдағы уақытта ірі турнирлерде барын салатынын жеткізді.
Мақаланың түпнұсқасы: https://kaz.nur.kz/sport/other-sports/1955476-beizin-olimpiadasy-10-aqpanda-zarys-zolyna-kimder-sygady/
