Қазақстандық боксшы жастар арасындағы әлем чемпионы атағын жеңіп алды деп хабарлайды Prosports.kz.
Елхан Табынбаев (3-0, 1 КО) жартылай ауыр салмақтағы WPBF тұжырымы бойынша жастар арасындағы әлем чемпионы атағы үшін үндістандық Исрар Усманимен (5-0, 5 КО) жекпе-жек өткізді.
Мәскеуде өткен кездесуде 22 жастағы алматылық жігіт бірінші раундтың өзінде-ақ қарсыласын нокаутқа жіберді.
Табынбаев үшін бұл жеңіс кәсіпқой рингтегі төрт жекпе-жек ішіндегі төртінші және нокаутпен жеткен екінші жеңісі.
Айта кетерлігі, Исрар Усманиге қарсы Мәскеулегі жекпе-жек Елхан үшін Қазақстаннан тыс жерде өткен про-статустағы бірінші кездесу болды.
Мақаланың түпнұсқасы: https://kaz.nur.kz/sport/boxing/1961643-22-zastagy-qazaq-bokssysy-birinsi-raundta-qarsylasyn-nokautqa-ziberdi/