UFC-де өнер көрсететін қазақстандық аралас жекпе-жек шебері Шавкат Рахмоновтың ұлы дүниеге келді. Қуанышты жаңалықпен спортшының өзі бөлісті, деп хабарлайды KAZ.NUR.KZ тілшісі.
Шавкат Рахмонов Instagram желісіндегі Stories бөлімінде жаңа туған ұлымен бірге түскен суретін жариялап, "сүйінші қазақ еліне бір батыр" деп жазды.
Айта кетейік, қазақстандық файтер биыл 5 ақпанда UFC-де Карлстон Харриске қарсы жекпе-жек өткізіп, бірінші раундта нокаутпен жеңіске жеткен еді.
25 маусымда Рахмоновтың америкалық промоушндағы келесі жекпе-жегі өтеді. Бұл жолы оның қарсыласы UFC-дегі жеңісі бойынша рекордсмен - Нил Мэгни.
Мақаланың түпнұсқасы: https://kaz.nur.kz/sport/mma/1965567-savkat-raxmonovtyn-uly-duniege-keldi-foto/