Жұлдыз Ешимова әйелдер күресінен Қазақстан құрамасының қоржынын тағы бір қола жүлдемен толықтырды, деп хабарлайды Ұлттық Олимпиада комитеті.
Ұлан-Баторда күрес түрлерінен Азия чемпионаты жалғасып жатыр.
Әйелдер күресі бойынша 53 келіге дейінгі салмақ дәрежесінде Жұлдыз Ешимова жарыстың қола жүлдегері атанды.
Ол жұбаныш финалында өзбекстандық Актенге Кеунимжаевамен кездесті.
Екеуара кездесу 5-1 есебімен қазақстандық балуанның еншісіне шешілді.
Айта кетейік, бұл әйелдер күресінен Қазақстан құрамасының аталмыш құрлық біріншілігіндегі төртінші медалі.
Мақаланың түпнұсқасы: https://kaz.nur.kz/sport/other-sports/1966417-aziya-cempionaty-qazaqstan-qorzynyna-tagy-bir-medal-tusti/
