"Ақтөбе" мини- футбол клубының шабуылшысы Нұрбек Қарағұлов ел чемпионатының матчында командадағы серіктесін ұрып жіберді, деп хабарлайды Meta-ratings.
Қазақстан чемпионатының бірінші кезеңінің "Ақтөбе" — "Оқжетпес" арасындағы қорытынды кездесуінде қосалқы ойыншылардың орындығында Қарағұлов 20 жастағы "Ақтөбе" ойыншысы Андрей Голубничийді ұрып жіберді.
Қарағұлов "Ақтөбе" командасының өз қарсыластарына есе жіберіп жатқанына ашулы болған. Ол "Оқжетпес" футболшыларына қарсы бірнеше рет қауіпті ойын көрсетіп, ескерту алды. Сол себепті қосалқы ойыншылар орындығына отырды.
Айта кетейік, серіктесін ұрғаны үшін Нұрбек Қарағұлов матч соңында ойыннан қуылды. Нәтижесінде "Оқжетпеспен" өткен кездесу "Ақтөбенің" жеңісімен аяқталды.
Мақаланың түпнұсқасы: https://kaz.nur.kz/sport/football/1968190-aqtobe-futzal-klubynyn-oiynsysy-matc-uaqytynda-oz-seriktesin-uryp-ziberdi/
