"Ақтөбе" футбол клубы команданың бұрынғы бас бапкері Владимир Мухановқа 100 мың еуро төлеуге міндеттелді. Бұл туралы Prosports.kz басылымына сілтеме жасаған KAZ.NUR.KZ хабарлайды.
ФИФА-ның дау-дамайды шешу жөніндегі палатасы ресейлік маман мен "Ақтөбе" футбол клубының арасындағы дауды Мухановтың пайдасына шешті.
Владимир Муханов келісімшарт мерзімі бітпей тұрып, ешқандай себепсіз жұмыстан қуылғаны үшін 100 мың еуро көлемінде компенсация алады.
"Ақтөбе" футбол клубында бұл шешімге шағым түсіру үшін он күн уақыт бар.
Айта кетелік, Владимир Муханов "Ақтөбе" клубы "Таразға" 0:3 есебімен жол берген соң, жұмысынан қуылған болатын.
Мақаланың түпнұсқасы: https://kaz.nur.kz/sport/football/1980517-fifa-aqtobe-futbol-klubyn-reseilik-mamanga-100-myn-euro-toleuge-mindettedi/
