Алматылық "Қайрат" 2022 жылғы 28 шілде күні венгриялық "Кишвардамен" футбол матчында кездесіп, жеңіліс тапты, деп хабарлайды KAZ.NUR.KZ тілшісі.
Матч "Кишварда" командасының пайдасына 1:0 есебімен аяқталды.
Аталған команда ойынның 39-минутында есеп ашты. Голды Ясмин Мешанович соқты.
Матчтың қорытынды есебі – "Кишварда" командасының пайдасына 1:0.
Осылайша екі кездесудің қорытындысы бойынша "Қайрат" 0:2 есебімен жеңіліп, турнирден шығып қалды.
Әзірге конференция лигасының үшінші айналымына жолдама алғандар қатарында қостанайлық "Тобыл" мен петропавлдық "Қызыл-Жар" ғана бар. "Тобыл" гибралтарлық "Линкольн Ред Импсті" екі рет жеңсе (2:0, 1:0), "Қызыл-Жар" хорватиялық "Осиекпен" екі матч қорытындысы бойынша 3:2 есебімен жеңіске жетіп, жарыстың келесі кезеңіне шықты.
Мақаланың түпнұсқасы: https://kaz.nur.kz/sport/football/1980727-almatylyq-qairat-konferenciyalar-ligasynyn-matcynda-zenilip-eurokuboktan-sygyp-qaldy-video/
