Қазақстандық теннисші Анна Данилина АҚШ ашық чемпионатының жұптық сынында жарыс жолынан шығып қалды, деп хабарлайды Sports.kz.
АҚШ ашық біріншілігінде отандасымыздың бразилиялық Беатрис Аддад Майямен бірге жұптасып өнер көрсеткені белгілі.
Олар 1/8 финалда екі сетте Николь Меликар (АҚШ) / Эллен Перес (Аустралия) жұбына есе жіберді. Жалпы есеп: 3:6, 3:6.
Осылайша, Анна Данилина мен бразилиялық тениисші US Open турнирінің ширек финалына шыға алған жоқ.
Айта кетейік, Анна Данилина жұптық сында Қазақстанның үздік теннисшісі болып табылады. Ол WTA рейтингінде 19-орында тұр. Отандасымыздың ағымдағы жылдағы ең үздік нәтижесі - Australian Open турнирінің финалы.
Мақаланың түпнұсқасы: https://kaz.nur.kz/sport/other-sports/1986146-us-open-turniri-anna-danilina-zarys-zolynan-sygyp-qaldy/