Футболдан Ресей чемпионатының 8-турында Санкт-Петербург қаласының "Зенит" командасы мәскеулік "Спартакты" жеңді, деп хабарлайды клубтың ресми сайтына сілтеме жасаған KAZ.NUR.KZ.
"Зенит" Мәскеуде өткен матчта ежелгі қарсыласы "Спартакты" 2:1 есебімен ұтты. Петербургтық команда сапынан Деян Ловрен мен Андрей Мостовой гол соғып, көзге түсті.
"Зениттің" қазақстандық қорғаушысы Нұралы Әліп те бұл матчқа қатысты. Ол ойынның 95-минутында алаңға шығып, Венделді алмастырды.
Алайда Нұрәлі ойын кезінде бірде-бір рет доп алған жоқ. Өйткені, небары бір минуттан соң ойын аяқталып, төреші матчтағы ақырғы ысқырықты шалған болатын.
Осылайша, Нұрәлі Әліп соңғы кездесуде бар-жоғы бір минут ойнады.
Айта кетелік, Қазақстан командасының ойыншысы Нұрәлі Әліп былтырғы күзден бері "Зенит" сапында доп тебеді.
Мақаланың түпнұсқасы: https://kaz.nur.kz/sport/football/1986216-zenit-namysyn-qorgaityn-nurali-alip-alanda-nebary-bir-minut-oinady/
