Қазақстандық танымал боксшы Геннадий Головкин Лас-Вегасқа ұшып барды, деп хабарлайды KAZ.NUR.KZ.
Отандасымыз Лас-Вегасқа ұшып барған сәтін Instagram әлеуметтік желісіндегі парақшасында жариялады.
"Вегастамыз. Жекпе-жек аптасына дайынбыз", - деп жазды GGG.
Кадрдан Головкин мен оның командасының Сауль Альвареспен кездесуі өтетін қалаға жеке ұшақпен келгенін байқауға болады.
Айта кетейік, отандасымыз мексикалық боксшымен жекпе-жекпе Калифорнияда дайындалған болатын.
Айта кетейік, Геннадий Головкин мен Сауль "Канело" Альварес арасындағы жекпе-жек 17 қыркүйек күні өтеді. Бұл екі боксшы арасындағы үшінші кездесу болмақ.
Бірінші жекпе-жекте төрешілер тең есеп тіркесе, екінші кездесуде ұпай санымен Альварес жеңіске жетті.
Мақаланың түпнұсқасы: https://kaz.nur.kz/sport/boxing/1987294-golovkin-las-vegasqa-usyp-bardy/