Қазақстанның бірінші, әлемнің 25-ракеткасы Елена Рыбакина Порторождағы (Словения) WTA 250 турнирінің ширек финалына өтті. Бұл туралы федерацияның ресми сайтына сілтеме жасаған KAZ.NUR.KZ хабарлайды.
Қазақстандық теннисші екінші айналымда әлемнің 66-ракеткасы, чехиялық Тереза Мартинцовамен шеберлік байқасты.
Елена Рыбакина бірінші партияда 0:4 есебімен ұтылып жатып, қатарынан алты геймді алды - 6:4. Екінші сетте Елена айқын басымдылық көрсетті - 6:1.
Рыбакина жартылай финалға шығу үшін әлемнің 92-ракеткасы, украиналық Леся Цуренкомен кездеседі.
Мақаланың түпнұсқасы: https://kaz.nur.kz/sport/other-sports/1987805-us-open-turnirindegi-satsizdikten-son-rybakina-manyzdy-zeniske-qol-zetkizdi/